Niuernermi piumasaqaatit

Nalorninissat pinaveersaarniarlugu, niuernermi piumasaqaatigut atuarluarniarigit.

Niuernermi pisiniarfiuvoq:

Møbelmagasinet Nuuk ApS
Issortarfimmut 1
3900 Nuuk

CVR/GER: 12704828

Tlf. +299 322176 (ulluinnarni 10.00-17.30)

Nioqqutissat

Sofanik pequtinillu allanik, pisiniartunut immikkut suliarisanik, nioqquteqartunik arlalinnik aalajangersimasunik suleqateqarpugut. Nioqqutissat taakku sapaatip akunnerit 4 8llu ingerlanerini tunniunneqarsinnaasarput. Nioqqutissalli ilaat sapaatip akunnerit 12 ingerlanerani aatsaat tunniunneqarsinnaasarput.

Pequtit immikkut suliarisassat, nittartakkatigut allatsitat, allatsitsinermiit kingusinnerpaamik ullut marluk qaangiutsinnagit suliarineri aallartittarput.

Peqqissimisinnaatitaaneq nalinginnaasoq

Pisisartutut pisiguit nalinginnaasumik ulluni 14ni utertitsisinnaatitaavutit. Pisereernermi peqqissimisinnaatitaanermi ullut 14 piffissarititaasut pisiaq tiguneraniit atuupput. Pisiaq utertinniarlugu nalunaarutigereeraanni ullut 14 qaangiutsinnagit pisiaq utertinneqareersimassaaq. Pisereernermi peqqissimisinnaatitaaneq nalinginnaasoq atorlugu pisiaq utertinneqartoq, katiterneqareernerup uuttorneqareernerullu kingorna nalikillisimasinnaavoq, nalikillisimaneralu akianit ilanngaatigineqassaaq. Pisiaq nalikillisimanera immikkut nalilersorneqarluni naatsorsorneqartarpoq.

Pisiaq utertinnissaanut aningaasartuutissat pisisumit akilerneqassaaq. Pisiaq naammaginartumik isikkoqarluni ajoquteqaranilu utertinneqassasoq pisisup akisussaaffigaa.

Pisisimanermut peqqissimileraanni allagaqarluni uunga sullissivitta emailianut nalunaarutigineqarsinnaavoq: moebel@sofa.gl

Peqqissimilernerit immersuinikkut aamma nalunaarutigineqarsinnaavoq: PEQQISSIMILERNERMUT IMMERSUGASSAQ.

Pisiap akia utertinneqarnissaa

Pisinerit peqqissimissutigigukku, akia utertinneqassaaq. Pisiaq nalikillisimappat, nalikillisimanera akianit ilanngaatigineqassaaq. Akilikkatit tamaasa utertinneqassapput, soorlu assartornermut aningaasartuutit (assartornerli akisuneq toqqarsimagukku - assartorneq akikinneq nalinginnaasoq atortagarput atornagu – anigaasartuutit nikingassutaat utertinneqassanngillat). Pisiaq utertinniarnissaanut nalunaaruteqarnerit tiguneraniit, ullut 14 qaangiutsinnagit, akia utertissavarput.

Allamik isumaqiissuteqarsimanngikkuta, akiliinermi akiliut atukkat artorlugu, pisiavit akia utertinneqassaaq.

Pisiaq nassiussimaneranut takuusissaq nassiutinngikkukku, pisiaq apuunnissaa tungaanut, pisiavit akia tigummigallarsinnaavarput.

Pisiaq uunga nassiutissaaq:

Møbelmagasinet Nuuk ApS
Issortarfimmut 1
3900 Nuuk

Nassiussat najukkamut allassimasumut toqqaannartumik nassiunneqartut kisimi tigusarpagut.

Immikkut isumaqatigiissuteqarfigaluta, pisinerit peqqissimissutigisamallugu nalunaarutigeriarlugu, pisiaq nammineerlutit adressemut allassimasumut utertissinnavat.

Nammagittaalliorsinnaatitaaneq

Pisisartutut pisiffigigutsigu, pisinermut inatsimmi malittarisassat atuupput.
Tamanna isumaqarpoq ukiuni marlunni naammagittaalliorsinnaatitaasutit. Pisiaq nassiutinnginnerani attavigitigut.

Naammagittaalliornerit tunngavissaqarpat, pisiaq aaqqissortissinnavat, allamik taarsertissinnaavat imaluunniit akia utertinneqarsinnaavoq.

Naammagittaalliornissamut ”piffissaritaasoq iluani” naammagittaalliussaatit. Qaammatit marluk iluani naammagittaallioruit tamatigut piffissaq eqqorlugu naammagittaalliorsimanertut isigineqassaaq.

Naammagittaalliornerit tunngavissaqarpat, assartornermut aningaasartuutit (naapertuilluartut) utertinneqassapput. Pisiaq tamatigut naammaginartumik poortorneqassaaq. Assartorneranut aningaasartuutitit utertissinnaat pillugu nassiussinermut uppernarsaat tigunissaa eqqaamassavat.

Pisiaq uunga nassiutissaaq:

Møbelmagasinet Nuuk APS

Issortarfimut 1

3900 Nuuk

** Allatut isumaqatigiissuteqarsimanngikkutta **

Nassiussat najukkamut allassimasumut toqqaannartumik nassiunneqartut kisimi tigusarpagut.

Pisiaq utertinnerani qinnuigissavatsigit, utertitsinissamut tunngavilersuutit allaaseralu ilanngutissagit.

Pisiaq naammagittaalliutiginiarukku, sullissivitsinnut allagaqarlutit nalunaarutigissavat uunga: moebel@sofa.gl

Allakkatit uku imarissavaat: Pisinermut uppernarsaat/ akiligassap normua, atit, najukkat oqarasuaatit normua, assit ajoqutaasorlu allaaserineqarnera.

Sofat nioqqutigisagut arlallit naqqani annoraaminermik ikkussisimasoqartarpoq. Annoraaamineq ninnguitsoq sofat assartorneqarnerani illersuutitut taamaallaat atugassaavoq. Annoraamineq sofap atorsinnaanissaanut sunniuteqanngimmat, annoraamineq naqqaniittoq alissimappat sofat ajoquteqartutut nalilerneqarsinnaanngillat naammagittaalliutigineqarsinnaananilu.

Maalaaruteqarsinnaaneq

Pisisartutut pisiatit pillugit maalaaruteqarniaruit, uunga attavigissavatsigut moebel@sofa.gl Aqqiagiissummik isumaqatigiissuteqarsinnaanngikkutta Atuisartoqarnermut Unammilleqatigiinnermullu Aqutsisoqarfimmut maalaaruteqarsinnaavutit uunga: www.aua.gl

Nassiussineq

Assartuussisarpugut 399 kr.mut. Ulluinnarni nal. 10.00-17.30 arfininngornermilu 10.00-13.00 assartuussisarpugut.

Pisiamik allatitsivigisimagutsigut, ulloq ataaseq marlulluunniit ingerlanerani assartuussinissamut akisussaasorput attavigissavaatit, pisiaq qaqugu tunniunneqarsinnaanersoq nalunaarutigalugu. Aqquserngup sinaanut taamaallaat tunniussisisarpugut.

Puujaaneq

Pisiat eqqutereerukku, mianersortumik puujarnissaa innersuussutigissavarput. Atortorissaarutit ipittut atornagit, pisiarlu katitinnginnerani ajoquteqannginnera qulakkeeqqaassagit innersuussutigissavarputtaaq. Ilimaginngisamik pisiaq ajoquteqartoq amigaateqartorluunniit paasigukku, qinnuigissavatsigit pisiaq pisiavillu puua assileriarlugit assit nassiutissagitit. Pisiortifipput imaluunniit nassiussalerisut akisussaasuunersut paasiniassavarput.

Apeqqut taanna akineqarsinnaanissaata tungaanut pisiavit puua toqqorsimatinnissaa innersuussutigissavarputtaaq.

Nittartakkartigut akiliineq

www.moebelmagasinet.glmi dankort, VISA-kort, Mastercard, Maestrocard aamma Akiliut akiliutitut atorsinnaapput. Akiliutit akitsuutitaqanngillat, pisiatillu quersuarmit nassiunneqareerpata akia akiliutinnit ilanngaatigineqarumaarpoq.

Tatigeqatigiinnissamik politikki

Maani niuernissannut paasissutissat uku pisariqartippagut:

Ateq, najugaq, oqarasuaat emailikkut attavissarlu.

Pisiaq ilinnut nassiunneqarnissaa pillugu paasissutissat pisariaqartinneqartut ingerlateqqittarpagut.

Inummut nalunaarsuutit Møbelmagasinet Nuuk ApSmi ukiuni tallimani allattorsimassapput tamatumalu kingorna allattorsimaffimmit piiarneqassallutik.

Taassuma saniatigut suliffeqarfiit arlallit suleqatigivagut, taakkulu inummut nalunaarsuutit allattorsimasut katersorlugit suliaqarnerminni atortarpaat.

Inummut nalunaarsuutit ilinnut tunngasut naammaginartumik paarilluarneqarnissaannut qulakkeerinnissinnaasunik qarasaasiakkut suliarinnittartunik EUmi nunani allanilu taamaallaat suleqateqarpugut.

Møbelmagasinet Nuuk ApS www.moebelmagasinet.gl mi qarasaasiakkut suliarinnittuullunilu akisussaasuuvoq

Inummut nalunaarsuutit ilinnut tunngasut allattorsimasagut pillugit paasisaqarnissat pisinnaatitaaffigivat.
Paasissutissat pineqartut eqqortuusorinngikkukkit, aaqqinneqarnissaat pisinnaatitaaffigivat – assersuutigalugu paasissutissat ilinnut tunngasut siunertamut pisariaqartikkunnaarsimagutsigit – qinnuigigutsigu paasissutissat piiarneqassasut, tamanna eqquutissallugu pisussaaffigarput. Paasissutiaat iinnut tunngasut pillugit inatsisinik unioqqutitsisorigutsigu attavigisinnaavatsigut. Uunga allaffigisinnaavatsigut: moebel@sofa.gl.

Niuernermi piumasaqaatit 13.12.2023 nutarterneqarput